A INDIACA
En 1936, Karl hans Krohn, profesor de educación
física, levou a Alemaña desde Brasil un xogo que se practicaba cunha peteca (saquiño de coiro cheo de area ao que lle
pegaban plumas con barro e atábanas entre si cunha corda), hoxe
chámase indiaca (feita de plástico, goma-escuma e plumas sintéticas).
O xogo consiste en pasa-la indiaca ao campo contrario, por riba dunha rede
central. O xogador debe golpea-la indiaca de abaixo a arriba, por debaixo da
altura da cadeira. Pódese utilizar regras semellantes ao voleibol, coa
diferencia de que ao ser alternativo pode participar un número variable de persoas,
e cambia-las medidas do campo e a altura da rede.
DESENVOLVEMENTO DO XOGO : comeza un equipo sacando ao outro
campo, e posteriormente en cada xogada, un mesmo equipo pode realizar varios
toques (os que
sexan pactados previamente). Gañará o equipo que chegue primeiro a
tres sets. Cada set xógase a 15 puntos, e debe gañarse por un mínimo de 2
puntos.
FRISBEE OU DISCO VOADOR
A orixe do frisbee (1871)
relaciónase con Willian Russel
Frisbee , un pasteleiro norteamericano, que despois de comeren as
tortas, os seus empregados xogaban lanzando os moldes. O frisbee ten un diámetro
mínimo de 21 cm e un máximo de 40 cm e o seu peso debe ser inferior a 200gr. A súa
principal característica é o xiro.
Debe lanzarse contra o vento, para que plane o maior tempo posible e recollelo
cunha soa man sen que o frisbee toque ningunha outra parte do corpo.
MODALIDADES :
- os lanzamentos (de dereita, de revés e de costas, todos con diferentes
formas de agarre) : - normal,
en v (colocando
os dedos índice e maior na parte inferior do disco) – de polgar (agarrando o
frisbee coma se fose un abano) – invertido (collendo o disco ao revés) – en pinza (formando unha pinza cos dedos polgar, índice e
maior)
- as recepcións : sempre cunha man pero variando a súa
colocación (colocando
o polgar cara abaixo nas recepcións altas ou cara arriba para as recepcións
baixas).
- outras habilidades : son acción que nos axudan a domina-lo
disco, como os volteos, os rodamentos,
os esvaramentos, os toques, etc.
ULTIMATE
O ultimate é o xogo colectivo máis
famoso dos que se poden xogar con frisbee. Trátase dunha competición entre dous equipos de 7 xogadores/as
cada un, no que está prohibido o contacto corporal. O obxectivo é avanzar,
mediante pases do disco entre os seus xogadores, ata marcar un tanto. Márcase cando un xogador que ataca recibe o
disco dentro da zona de gol do equipo contrario. Gaña o que máis tantos
consiga. O terreo de xogo
mide 110 m de longo por 37 de ancho e está dividido en tres zonas (a zona central e
dúas zonas de gol). A
duración do xogo depende da puntuación, xógase ata que un dos equipos
consegue 21 tantos, cunha diferencia de dous tantos. O descanso intermedio é de
10 minutos e realízase cando un dos equipos leva 11 tantos.
No hay comentarios:
Publicar un comentario