resumen irmán do vento galego 3º eso

TÍTULO : Irmán do vento

AUTOR : M. Lourenzo González

ARGUMENTO

O libro amósanos cómo sobrevive un neno iraquí nun país en guerra.

ESPAZO E TEMPO

A historia está centrada na guerra de Iraq, sobre todo na segunda guerra. Vai desde 1987, á chegada do Dr Luís Meira ao Oriente Próximo ata o fin da segunda guerra de Iraq, no 2003. 

PERSONAXES

 Khaled = neno protagonista e un dos narradores da historia  

 Dr Luís Meira ou Al-Galego = arqueólogo, un dos personaxes principais e outro narrador 

Alberte = fillo imaxinario do Dr Meira e outro personaxe principal

Hadras = avó de Khaled, vendedor de pezas de antiguïdades falsas

Sayiam = pai de Khaled

Beth = nai de Khaled

Dulaah, Tsarha e Salima = tías de Khaled

Zubdalá = muller que coidaba de Khaled e a toda a familia, cuñada do avó

Pensha, Abdul e Onagro = tíos de Khaled

Ednal = muller de Pensha

Eimel = fillo de Pensha, curmán e mellor amigo de Khaled

Mr Ashdaf = mestre de Khaled

Zulaid = segunda muller do pai de Khaled

Dimas Ber = o alcalde

Amrah = filla do alcalde e moza de Khaled

Muhammad Abdul Adsi = curandeiro

Moun dei Ben Dabat = taberneiro

Tarik, Umar e Musa = amigos de Khaled

Kramal al-Nart = irmán de Tarik

Athaniel = o gandeiro que lle vendeu os cabalos ao pai de Khaled

Belda Mid = parteira

Mustafá Wasit = mestre prisioneiro

Sarif = soldado iraquí que abandona o seu uniforme

Irmán do vento = cabalo de Khaled

RESUMEN

En 1987 o Dr Luís Meira chega ao Oriente Próximo, formando parte dun equipo para  un estudo científico das ruínas de Petra en Xordania. En 1988 vai a Iraq. En 1990 coñece a Khaled, con 4 anos, nas ruínas de Niníve. Alí tamén coñece o seu avó, Hadras, que é vendedor ambulante de pezas de antiguïdades falsas. Hadras convida ao Dr Meira a ir a aldea onde viven, Qhissa Hanni, e quedou mes e medio na súa casa. Alí coñece a toda a familia de Khaled, que pertencen a raza dos koblai. En 1991 comezou a primeira guerra de Iraq e o Dr Meira volta a Galicia onde, aos dous meses, entérase de que acabara a guerra e que Pensha, un tío de Khaled, morrera nela. En 1995 morre a nai de Khaled, Beth, por unha gastroenterite. En 1997 o Dr Meira volve a Iraq e merca a casa que fora de Pensha e a súa muller, Ednal. Instálase definitivamente en Iraq e chámanno Al-Galego. En 2003 empeza a segunda guerra de Iraq.

O 1 de outubro de 2002, Khaled escribe a primeira, das moitas outras cartas, a Alberte, o fillo imaxinario do Dr Meira. Dille que lle regalaron un caderno para adestrarse como contador de historias porque o mestre, Mir Ashdif, considera que ten moitas habilidades para iso. Tamén lle presénta  a toda súa familia e comeza o seu conto, o dun califa que ten unha fermosa filla, Sadhua, da que Raid, o protagonista, se enamora, que Khaled seguirá contado en todalas cartas.

Así nos fai saber que a súa infancia non foi sinxela, a súa nai morrera e o seu pai volveu casar cunha 

muller, Zulaid, coa que tivo un fillo. A Khaled non lle importou, pero a familia da nai sentoulle moi mal, e

iso provocou enfrontamentos nela.

Un día, chegou a guerra de Bagdad e o seu pai tivo que ir cos outros soldados a loitar. Ao principio o pai mandáballe cartas e contáballe como era Bagdad, non mencionaba a guerra para non preocupalo. Recibía moitas cartas ao mes, pero pouco a pouco foron chegando menos, ata que chegou unha informando da súa desaparición.
Khaled vaino buscar a Bagdad, nunha caravana de beduinos, familiares da súa nai. Pasou moitas aventuras polo camiño, e iso encantoulle, pero ao chegar á cidade, atopouse co seu pai morto. Sentíase moi triste, e só, pero quixo levalo a súa aldea para enterralo onde estaba a súa xente.

O día do enterro coincidíu coa súa maioría de idade, 16 anos, e chegou Athaniel, o gandeiro ao que o seu pai lle deixara dito, que tal día como o de hoxe lle levara o cabalo que tanto lle gustara a Khaled e o que lle chamou “irmán do vento”.

OPINIÓN PERSOAL

O libro é moi interesante, pois cóntanos  unha historia que seguramente viva mais dun neno en Iraq e un conto inventado por el, no conto gañan os bos e na realidade non. Ademais tamén nos ensina a forma na que vive unha tribo iraquí, que o fan de xeito moi diferente ao noso e achéganos o sufrimento dos nenos e familias que viven en Iraq, e todo por culpa dunha guerra.